星小館 (Closed)

去開長沙灣，到放飯時間，怕難搵位，見到中國船舶大廈開咗間新酒樓，即管試下，去到酒樓時，正直放飯時間，竟然即時有位，都覺得有啲奇怪，入到去見到差唔多滿座，大部分人都係叫餸食飯，初時仲以為冇點心食，好在發現原來都有點心order，於是點了蝦餃，點心拼盤，义燒餐包，生煎菜肉包，翡翠原隻鮮蝦腸粉等。蝦餃，一籠3隻，幾精緻外形像卜卜，新鮮弹牙😍點心拼盤，一共有五樣唔同嘅食物，都ok好食不過價錢偏貴，叉燒餐包，叉燒味濃，不俗，生煎菜肉包內含豬肉同茹類，估唔到又甘夾，翡翠原隻鮮蝦腸粉啲皮略嫌太薄，變成冇咗腸粉嘅煙韌感，可惜。總結：食物質素衹係當日個人主觀食後感，因各人口味不同，感受亦有所不同架。