齋啡 (Closed)

完全自在形式嘅咖啡店 用餐地方同落單嘅地方係分開兩邊地舖位置 座位嗰邊雖然地方小小 但佈置幾靚 擺設有心機🌾仲有吊凳可以俾人打個卡😆menu全部都係素食 但係選擇多 應有盡有🥰-🥯大啡菇芝士配手工竹炭比高包🍄大啡菇好juicy😍仲有勁勁勁多蔬菜同番茄 大大片好新鮮食爽脆🥬芝士係芝士碎黎 但略嫌味道唔算濃郁 如果係配一整塊熱溶左嘅芝士應該會更加好食🌝竹炭bagel勁大個🤭🤭嚼勁都幾好 不過好似乾左少少😗-🥗全日早餐🥗如果有選擇困難嘅 揀個一定冇死🤣雖然定價甚高 但份量多到一個點 配料樣樣都有🌝朋友仲加咗錢將sourdough轉左bagel!😜當中最特別嘅就係塊impossible meat🤭不過佢有啲太乾 味道唔算特別好食😗