Barista Caffe

Open Now

Now Closed

一個人的午餐，四處都很容易找位子。今天食下這家餐廳長期排隊的樓上cafe. 這餐廳的座位唔係咁多，成曰爆滿。午餐定價65至72， 選擇只有五款，包湯，主菜同餐飲，在尖沙咀而言，算是合理了！連曰勁食，今午食下三文魚凱撒沙律清下腸胃。餐湯是扁豆蕃茄清湯：見湯料十足，有菜有豆同番茄粒，味道清清地，酸酸地，很住家風味，一定吾係罐頭貨。三文魚卷在一起，有三小片，是比想像中的份量少，眼見鄰坐的牛尾份量十足，心𥚃有點覺得選錯了。煙三文魚唔係最靚個隻，顏色有點黯淡，但味道是正常的，唔會腥。個沙律菜九成八都只是生菜，可能是成本問題吧，但都爽的！沙律汁很少，所以只有淡淡的凱撒芝士味道。幸好，我加十元要了mocha 咖啡！這mocha 沒有加甜膩的糖漿，咖啡泡沫豐富，質地香滑，透出淡淡朱古力的香甜，正呀！埋單加埋一先至78， 杯咖啡起碼值30蚊！下次再來要點其他再upgrade 杯咖啡！這倒是可以再訪的食堂。