極尚大瀛喜日本料理

Open Now

Now Closed

收工時候地鐵慢駛，又係約朋友食飯嘅時候，今次約咗去旺角極尚大瀛喜食放題，餐廳自助區比一般放題為大，食物種類都比較多，有三款凍海鮮、冷盤小食、生果甜品，啤酒汽水飲品有廿多款，有熱湯，有雪糕雪條、椰汁雪燕奶最受女士歡迎，熱食有炒蜆花螺、小龍蝦、 瀨尿蝦 、蒸白鱔放題比較少見，仲有燒賣、蒸排骨同鳳爪真的很豐富。刺身：食咗好多款，有幾款推介，松葉蟹腳幾大隻而且質素好，蟹肉結實有鮮味。帶子原粒無切開，大大粒食落滿足。磯煮鮑魚好彈牙，咸咸地又香甜好味。鐵板鵝肝煎得好香，外脆內嫩，下面放一塊脆皮豐富口感。川味蒸蠔加咗蒜蓉同辣椒，蠔本身好新鮮而飽滿，好惹味。芝麻雞翼入味非常好食，外皮炸得好香脆裏面雞翼好嫩滑。金牌紅燒乳鴿，好簡單，好食過酒樓出品。蜜糖芥末醬燒赤蝦同芥末沙拉蝦球兩款蝦都好爽脆出色，分別在有殼大蝦同原隻蝦球。另外有多款燒物、壽司、炸物、串燒、煮物方面仲有期間限定嘅古法枝竹羊腩煲，又有酸菜魚同壽喜燒牛肉鍋。除了以上食物，值得一提餐廳多款有醬汁嘅食物味道都很好，當然一次就食唔晒咁多款食物，今日比較進取食唔到雪糕。