Video
Read full review
2019-04-02
172 views
星期六放咗工約咗阿媽二人世界，諗住行吓旺角尖沙咀，咁啱見到呢間餐廳食物種類都比較多就入左去。原本見到個全日早餐覺得好吸引，但係又驚唔夠飽喎最後就兩個人都叫咗扒餐。講下環境先，位置好闊落，牆上亦都有好多富有香港懷舊特色嘅圖案，坐低左冇耐之後都越來越多人，但係唔會近到聽到隔離講嘢咁，呢樣野要讚👍講下我塊牛扒先，味道唔錯，好夠牛味好香濃，口感亦好,重點係入面唔會太熟，好多時候鐵板上嘅話會太熟搞到好鞋所以叫嗰陣下次你想食五成熟嘅話，要叫三成熟，如此類推！薯蓉夠牛油香味，邪惡但yummy！媽咪叫果塊豬扒就好厚同好滑，亦都好夠豬味！個人認為豬扒同樣出色，推薦另外我哋都加咗龍蝦湯，味道濃郁而口感相對比較晞身！間野都有好多特飲，我哋叫咗青蘋果同埋菠蘿特飲，叫咗少甜味道就啱啱好，滿足
講下環境先，位置好闊落，牆上亦都有好多富有香港懷舊特色嘅圖案，坐低左冇耐之後都越來越多人，但係唔會近到聽到隔離講嘢咁，呢樣野要讚👍
講下我塊牛扒先，味道唔錯，好夠牛味好香濃，口感亦好,重點係入面唔會太熟，好多時候鐵板上嘅話會太熟搞到好鞋所以叫嗰陣下次你想食五成熟嘅話，要叫三成熟，如此類推！薯蓉夠牛油香味，邪惡但yummy！媽咪叫果塊豬扒就好厚同好滑，亦都好夠豬味！個人認為豬扒同樣出色，推薦
另外我哋都加咗龍蝦湯，味道濃郁而口感相對比較晞身！間野都有好多特飲，我哋叫咗青蘋果同埋菠蘿特飲，叫咗少甜味道就啱啱好，滿足
Post
