滿屋日本料理 (Closed)

好耐冇食放題，今次就午餐時間去食個放題。位置好方便就喺銅鑼灣嘅中心地帶。一坐低我哋就被安排去一個卡位度，枱面有齊餐枱俾我哋點食物。點好之後可以出去出邊揀飲品，又有啲熟食可以食，例如春卷、爆谷、冷盤前菜、當然仲有甜品啦。放題食物我哋第一時間點左刺身，有三文魚、希靈魚、油甘魚、甜蝦等等，味道都幾新鮮，用咗冰保鮮，入口感覺良好。另外我哋點左碗仔翅、炒雜菜、花膠。另外仲有我幾喜歡嘅炸物，有非常流心嘅芝士年糕、脆身嘅雞翼、榴槤炸彈。飲品好驚喜，除咗有普通汽水啤酒，居然有熱飲維他奶、黑豆漿！最後每人可以揀一杯Häagen-Dazs雪糕，好抵食呀。