名門讌客

Open Now

Now Closed

難得假日又成家人一齊放，最佳活動就係兜風，而最佳飲食地點緊係茶樓啦～咁住屯門既我地，搵食當然就係元朗荃灣天水圍。元朗大家就去得多，其實八鄉都有好多好野食架。【名門讌客】都算係數一數二高質茶樓啦，用料新鮮得黎擺盤都好精緻。每道菜都加上幾種不同的蔬菜，增添顏色豐富感，令到你望住隔離檯食都想叫番碟！先講一講呢個【蟹粉小籠包】，一般小籠包湯同肉既比例大概係 1：1，呢度係 1：2，除左一口咬落去，D汁爆晒出黎，仲啖啖新鮮豬肉！燒鵝脂肪比例剛剛好，可以成碟都食晒，而且外皮十分香脆可口。