漁之部屋 (Closed)

將軍澳食肆唔係話選擇少，之不過間間都連鎖店，好快食厭，但最近開咗間日式放題，放題喺區內真係好少見，今次食完之後真係值得bookmark呢間舖呀!呢間放題喺天晉匯，都幾近我，食物選擇超多已經冇乜點輸，dry睇刺身menu，都有16款!!! 超多!!! 質素高，三文魚同拖羅幾肥美，玻璃蝦冇得輸，係超甜的，從來未試過咁正嘅蝦!! 識叫就一定叫赤貝，超爽甜。之後嚟左碟咁嘅嘢，原來係個fd叫嘅什錦刺身沙律，幾小清新，個醬都開胃~熟嘢都唔hea，火灸壽司都 good，呢度有牛肉同帶子，相當惹味。食到呢度已經飽左一半，不過仲有幾樣必試: 1. 芝士焗生蠔 (即叫即焗，我覺得沙律味重，反而少芝士味，但原隻上，派頭都正，值得encore多幾次)2. 金菇牛肉卷 (金菇估唔到咁嫩口，好易咬好，唔會痴牙，而燒汁味更係較得剛剛好)3. 燒物 (燒物有極多揀，推介: 燒魷魚，大蝦，牛舌，河豚魚乾，菠蘿，有個好鐘意食菠蘿嘅fd一個人ko近一打菠蘿 lol)