Video
Read full review
2022-06-19
1235 views
📍馬祖無限時台灣養生涮涮鍋🔍旺角彌敦道628號瓊華中心11樓-----無論凍熱，香港人總係一年四季都中意洽下洽下😛。驚要排隊，5點幾已經黎到諗住食個early dinner（而且7：30前離座價錢平d）.餐廳行淺木系裝修風格，燈光柔和舒適，座位好坐，新淨度亦不錯，食物選擇多，各式肉類、多種海鮮、手打丸、自家餃、特色台灣食材、冷熱飲品等等，算係選擇多嘅任食火鍋店。.三心兩意嘅我哋揀咗好耐，最後揀選咗藥膳椰子雞涮涮鍋，湯底椰子香氣非常濃郁，令海鮮洽出黎帶淡淡椰子香甜味，雞件肉厚嫩口，雖然無試過其他湯底難以比較邊個最好，不過中意椰子湯🥥嘅話，呢個選擇非常不錯。.“台灣養生涮涮鍋吃到飽套餐-牛肩脊”（假日連加一，人均$500）為朋友慶生🍰想食好少少，直接叫咗個Premium少少嘅Set。佢地有幾款套餐可供選擇，價錢有平有貴，豐儉由人。B仔👶🏻叫嘅呢個Set就可以選擇美國SRF極黑和牛肩脊肉、Prime Grade 安格斯牛、西班牙伊比利亞黑毛豬、西班牙無激素雞豬肉片等等嘅高質肉類。總體黎講，肉類都非常高質，肉脂味濃郁，脂肪雪花分佈好靚，亦毫無雪味，第一碟同之後嘅每一碟質素都穩定地好，無挑剔。坐
🔍旺角彌敦道628號瓊華中心11樓
-----
無論凍熱，香港人總係一年四季都中意洽下洽下😛。驚要排隊，5點幾已經黎到諗住食個early dinner（而且7：30前離座價錢平d）
.
餐廳行淺木系裝修風格，燈光柔和舒適，座位好坐，新淨度亦不錯，食物選擇多，各式肉類、多種海鮮、手打丸、自家餃、特色台灣食材、冷熱飲品等等，算係選擇多嘅任食火鍋店。
.
三心兩意嘅我哋揀咗好耐，最後揀選咗藥膳椰子雞涮涮鍋，湯底椰子香氣非常濃郁，令海鮮洽出黎帶淡淡椰子香甜味，雞件肉厚嫩口，雖然無試過其他湯底難以比較邊個最好，不過中意椰子湯🥥嘅話，呢個選擇非常不錯。
.
“台灣養生涮涮鍋吃到飽套餐-牛肩脊”
（假日連加一，人均$500）
為朋友慶生🍰想食好少少，直接叫咗個Premium少少嘅Set。佢地有幾款套餐可供選擇，價錢有平有貴，豐儉由人。B仔👶🏻叫嘅呢個Set就可以選擇美國SRF極黑和牛肩脊肉、Prime Grade 安格斯牛、西班牙伊比利亞黑毛豬、西班牙無激素雞豬肉片等等嘅高質肉類。總體黎講，肉類都非常高質，肉脂味濃郁，脂肪雪花分佈好靚，亦毫無雪味，第一碟同之後嘅每一碟質素都穩定地好，無挑剔。
坐低一陣之後，餐廳會免費送上本來要加$48先有嘅即炸台灣地瓜條。雖然地瓜容易飽肚，但係真心令人忍唔住一口接一口，熱辣辣新鮮炸起，外脆內軟，香甜無渣，而且有四包唔同口味嘅調味粉比客人玩shake shake👍🏻，係幾有趣嘅。
火鍋料方面，海鮮選擇好多，當中尤其中意滑滑溜溜嘅鮮味魚雲，同椰子湯底好合拍。海蝦亦係爽口又彈牙，我地兩個人食咗超過10隻。足八吋長蟹棒好似食扒嘅感覺，啖啖肉嘅feeling，個人幾中意。丸類方面，手工黑松露墨魚丸亦係值得一試，墨魚味夠鮮，黑松露味夠重，細細粒一啖一粒，不佔胃又高質。
甜品推薦：
Movenpick雲呢拿雪糕
（心目中最高質嘅雲呢拿雪糕）
Dreyer's焙茶扭紋脆筒
（甜度自然清新，茶味解膩，加上脆口杏仁，口感味道俱佳）
Post
