Video
Read full review
2020-05-09
199 views
捌壹壹 旺角❗️選擇多抵食川菜❗️好耐冇食川菜，晚市見到OpenRice訂座有八折優惠，網上評價又唔錯，味道都唔錯，的確幾抵食！‼️以下列出嘅價錢係原價未打折‼️必食冷鍋酸菜魚 $168川菜餐廳當然唔少得酸菜魚啦，除此之外佢哋仲有水煮牛肉、雞煲等等選擇，甚至有鮑魚花膠雞煲揀添🤩🤩🤩。第一次嚟揀咗佢哋嘅招牌冷鍋酸菜魚🐟魚嘅份量非常之多，而且真係好滑好滑，配上大量嘅鹹酸菜、芽菜、金菇同埋少量寬粉，味道酸酸鹹鹹，都幾好食👍🏻不過啲酸菜都幾鹹，就咁食就有啲難接受🙈不過其實成個酸菜魚都係熱嘅，唔知點解叫冷鍋呢。唔夠飽嘅話仲可以將呢個煲變成火鍋，有多種配料選擇，都幾抵食！味道: 4.1/5性價比: 4.3/5蔥爆牛肉🐮$98貌似普通，但的確幾有鑊氣，特別係啲蔥真係非常之香🥰牛肉份量多又滑，雖然有少少似茶餐廳嘅菜式，但的確幾惹味👍🏻。味道: 4.1/5性價比: 4/5尖椒皮蛋🍳$38晶凝通透橙黃色🥰味道係幾好，酸酸辣辣。而且皮蛋中間係流心，不過呢一個皮蛋白係爽口啫喱口感嗰種，我就冇咁鍾意。味道: 3.8/5性價比: 4/5 川北涼粉🍜$38川北涼粉係四川菜嘅特色麵食，晶凝通透爽口得來又有少少煙韌，不過一款就
❗️選擇多抵食川菜❗️
好耐冇食川菜，晚市見到OpenRice訂座有八折優惠，網上評價又唔錯，味道都唔錯，的確幾抵食！
‼️以下列出嘅價錢係原價未打折‼️
必食冷鍋酸菜魚 $168
川菜餐廳當然唔少得酸菜魚啦，除此之外佢哋仲有水煮牛肉、雞煲等等選擇，甚至有鮑魚花膠雞煲揀添🤩🤩🤩。
第一次嚟揀咗佢哋嘅招牌冷鍋酸菜魚🐟魚嘅份量非常之多，而且真係好滑好滑，配上大量嘅鹹酸菜、芽菜、金菇同埋少量寬粉，味道酸酸鹹鹹，都幾好食👍🏻不過啲酸菜都幾鹹，就咁食就有啲難接受🙈不過其實成個酸菜魚都係熱嘅，唔知點解叫冷鍋呢。
唔夠飽嘅話仲可以將呢個煲變成火鍋，有多種配料選擇，都幾抵食！
味道: 4.1/5
性價比: 4.3/5
蔥爆牛肉🐮$98
貌似普通，但的確幾有鑊氣，特別係啲蔥真係非常之香🥰牛肉份量多又滑，雖然有少少似茶餐廳嘅菜式，但的確幾惹味👍🏻。
味道: 4.1/5
性價比: 4/5
尖椒皮蛋🍳$38
晶凝通透橙黃色🥰味道係幾好，酸酸辣辣。而且皮蛋中間係流心，不過呢一個皮蛋白係爽口啫喱口感嗰種，我就冇咁鍾意。
味道: 3.8/5
性價比: 4/5
川北涼粉🍜$38
川北涼粉係四川菜嘅特色麵食，晶凝通透爽口得來又有少少煙韌，不過一款就相對上有啲失色，每條都非常易斷，缺乏口感🙈主要以醋同埋辣椒油作調味，不過$38來講的確好大份，當主食用嚟配酸菜魚都還可以。
味道: 3.5/5
性價比: 4/5
芒果沙冰🥭$32
芒果味道有啲假，似係優之良品芒果糖嗰隻味，唔特別推薦。
味道: 2/5
性價比: 2/5
黑糖糍粑🍡$23
作為煙韌控嘅我真係好鍾意食糍粑，如果你都經常食川菜相信對糍粑都唔會陌生。似係炸咗嘅麻薯，外脆內煙銀，通常會加上少少黃豆粉，再點黑糖食用，味道甜甜地的確好味😋！
味道: 4.1/5
性價比: 4.1/5
紅糖桂花冰粉🍧喺Facebook讚好同分享後免費 (原價$23)
喺Facebook讚好仲有免費嘅紅糖冰粉添🤩又係一道四川獨有嘅甜品，亦係我好鍾意嘅甜品。滑脫脫口感有少少似仙草嘅涼粉，晶凝通透，本身係無味，但會加上紅糖桂花等等調味，涼涼地最適合用嚟解辣💕！
味道: 4.1/5
性價比: 4.3/5
整體來講大部份菜式質素都唔錯，而且以呢個份量來講的確幾平，食咗咁多樣嘢埋單都只係三百幾蚊，超級飽，間中想食下辣野都可以去呢一間，值得一試
必食冷鍋酸菜魚
$168
96 views
0 likes
0 comments
蔥爆牛肉
$98
37 views
0 likes
0 comments
川北涼粉
$38
37 views
0 likes
0 comments
黑糖糍粑
$23
80 views
0 likes
0 comments
尖椒皮蛋
$38
37 views
0 likes
0 comments
Post
