東大門韓國料理 (Closed)

有日出開旺角同朋友講開話好耐冇食過韓燒啦,不如晚餐食韓燒啦一出地鐵站就見到各式各樣既餐廳招牌,最後揀左呢間呢度地方幾闊落,食物選擇都好多元化, 有湯,有熟食,有肉類,菜類,生果,甜品等緊燒肉時,可以先食下刺身呢度既三文魚刺身都幾肥美,幾新鮮,而且有專人切比我地,切既份量都幾多,食到好爽另外雞翼同魷魚都係唔錯既小食黎!其中五花肉係呢度既推介食品五花肉要原條燒,燒既時候可以加少少盬作調味,燒熟左先好剪開,咁就係最完美既做法五花肉唔會太肥同太油膩,皮非常香口同脆身鐘意既話可以用生菜夾住食,不過心急既我就選擇就咁食!另外而家每一枱食客都會送海鮮一碟入面有蝦,蜆同帶子帶子會先將唔食得既部份切除先比食客,好貼心呀!咁就可以一燒完就食粒放入口食!蝦就幾大隻,食落夠爽口,蝦頭仲有少少膏!其他肉類方面,仲有牛仔骨,豬頸肉同金菇肥牛卷牛仔骨同豬頸肉本身都有啲醃料作調味所以食落係惹味啲既而金菇肥牛卷就size剛好可以一啖一舊,肥牛唔會淨係得個肥字而金菇燒完香口又爽口,味道唔錯