新南苑私房菜 (Closed)

新南苑火鍋好出名，都食過好幾次。 原來搬咗嚟尖沙咀，嚟試吓新店先！門口望入去已經見到唔少老闆啲私人珍藏，朋友睇到不亦樂乎。地方好大吓，除咗有啲廂房，卡位都超舒適，配有電視，食住嘢睇波睇戲睇劇睇新聞都好正。幾款套餐，我哋揀咗海鮮餐，正價時段$388再加一。 原來有早鳥、貓頭鷹、深宵時段優惠，仲要無加一，下次OT可以同同事嚟食個貓頭鷹時段喎。 套餐包括刺身+海鮮+雞煲/毛血旺/酸菜魚(三揀一)+火鍋，超滿足！飲品櫃除咗常見嘅飲品仲有冷泡茶、水果茶等等，解膩又幫助消化，食放題就啱晒。刺身拼盤好豐富，兩個人食都送大大盤。鮑魚大大隻，甜蝦蝦膠味重，其他都新鮮厚切。套餐揀咗招牌麻辣雞煲，打開蓋香味撲鼻，雞件鮮嫩仲夠晒惹味，仲有好多我鍾意嘅芫茜～正呀！食完雞煲就上個湯底開始火鍋，鴛鴦湯底揀咗蟲草花椰子花膠，清香又養顏；濃香沙爹湯就夠惹味香濃。跟餐送肉味濃郁嘅本地手切牛頭脊；仲有時令海鮮拼盤，龍蝦、青口、鯇魚片、帶子、蠔，凈係隻龍蝦已經回咗唔少本，其餘海鮮都係又大又鮮。食到呢個階段已經飽咗七成，所以先食個蔬菜拼盤減低膩感，再戰任食配料，我哋都係主攻海鮮，海蝦、龍躉片就算係任食都係無降低質素，抵讚！最後