鴻仔記車仔麵 (建生商場)

Open Now

Now Closed

平時食嘢都好快手，但嚟到呢間車仔麵真係令我嘅選擇困難症大爆發，啲餸多到唔知點揀好！最後憑直覺揀咗個$45嘅麵，配豬扒、豬大腸、豬紅、麵筋同炸魚皮雲吞，豬扒、豬大腸、豬紅都係心頭好。麵筋同炸魚皮雲吞就比較少見，第一次嗌都覺得好搞笑😂豬大腸處理得好乾淨，冇異味；豬扒爽口，豬紅夠滑仲要好入味。最驚喜係佢個辣汁係自家整，撈埋個麵食好惹味，夠晒爽！然之後又膽粗粗問佢菜底係咩菜，佢哋就話唐生菜，我話可唔可以轉芽菜！佢哋居然話得！ 太感動啦😆 以$45嚟講，有咁多料又夠飽，性價比超高，絕對係值得一試嘅地道風味。