HIPOT (Closed)

平安夜, 由於不想和人迫, 亦不想付昂貴的價錢食聖誕餐, 因此一早便致電佐敦的Hipot訂枱打邊爐. 和朋友於6時左右到達, 客人不多, 但侍應表示要share枱, 而且只能食到8點半. 我和朋友認為兩個小時左右都ok, 因此便坐下來了. Hipot其實是稻香集團旗下, 但主打一人一鍋年輕人路線. 相比稻香, Hipot價錢表面上看來好像是便宜一點, 但其實不是! Hipot供客人選擇的食品款式不算多, 而且每款食品的份量少得可憐, 以肥牛為例, 一碟得8件, 卻要成四、五十元, 四式餃(即魚皮餃、雲吞、水餃及九菜餃, 一碟只有4隻)都要成$20蚊. 我和朋友叫了不算多的食品, 埋單約$230元左右. 坦白講, 個人認為稻香的價錢雖然好像貴了點, 但食物的份量較多, 不用叫很多碟. 當然, 夜晚9點後會更加抵食!