咖啡弄 (Closed)

過江龍會係香港引起熱潮基本上係必然既，係未開過尼香港既時候，已經係台灣食過，個陣時真係覺得驚為天人啊！講返香港尼間，雖然都已經開左一段時間，但去到都要等返十五至三十分鐘先入得，成個feel都好台灣，店員亦都係講普通話既。香港既定價比台灣都貴，但質素我就覺得冇台灣既水準。吐司上枱一食，應該係焗耐左或者比錯左偏硬我，我個份吐司太脆啦，食到成張枱都係碎，雪糕可能係因為放係吐司旁邊，融得太快，食到中段真係手忙腳亂。至於味道，都係同台灣差唔多，吐司本身甜味夠，唔配雪糕或者cream食都好食，我叫既係抹茶味，但抹茶味唔重，似係食cream多過食抹茶味，希望可以加返重手啲啲抹茶醬啦。雜果特飲，好清甜解喝，鮮果都好豐富，讚！芒果窩夫窩夫就食得多，配埋凍冰冰既雪糕，非常好食。不過尼款個人覺得就偏貴既，每個都成一百蚊，份量又唔大，性價比就比較差，不過味道搭救啦！