Video
Read full review
2008-01-01
22 views
是夜除夕夜，成班地盤工友難得一聚下收工一齊來呢度BBQ倒數，凍到震呀得十度﹗真係好凍今晚﹗入場費貴了，成九十幾蚊一個人，0的野亂七八嘈，管理超級有問題，等我數一數今晚遇到既事，我地成班工友定名為"十大罪狀"1. 迫得要命，爐與爐差不多痴埋一齊，連行去廁所都無位出，我地個個工友大隻無比都係歐陸身型，點行出去呀﹗2. 成日開咪，好似監房咁，唔洗成日叫咪啦大佬﹗嘈住哂，我去白石都未聽過人叫咪的﹗好煩呀﹗3. 羅野食亂七八嘈，一頭比錢一頭老連咁遠先有野食羅，蜜糖又唔係去野食0個度羅要去收銀羅，刀叉又去後面羅，啤酒又要去到門口羅，行來行去行來行去真係比佢玩死﹗4. 個廁所DIRTY到你唔信，成地屎尿無人清，推石仔部的女工友排大隊成半小時先排到去廁所又無人管理，有工友去一次後鞋褲沾滿了尿回來，雖然她是穿了開工的水鞋來，不過叫人點頂呀成腳尿？5. 0的炭成棵樹咁，掟又掟唔爛，根本無可能燒到，出去羅過包又比佢老點轉來轉去，救命﹗6. 野食其實幾好食的，不過派食物0個個哥哥仔真係好無禮貌，我都知係多人等心情真係差0的，不過都唔洗飛0的野食比我嘛？好似我係乞兒拿個兜去乞野食咁，唉﹗7. 蒜蓉包要買蒜蓉都無
入場費貴了，成九十幾蚊一個人，0的野亂七八嘈，管理超級有問題，等我數一數今晚遇到既事，我地成班工友定名為"十大罪狀"
1. 迫得要命，爐與爐差不多痴埋一齊，連行去廁所都無位出，我地個個工友大隻無比都係歐陸身型，點行出去呀﹗
2. 成日開咪，好似監房咁，唔洗成日叫咪啦大佬﹗嘈住哂，我去白石都未聽過人叫咪的﹗好煩呀﹗
3. 羅野食亂七八嘈，一頭比錢一頭老連咁遠先有野食羅，蜜糖又唔係去野食0個度羅要去收銀羅，刀叉又去後面羅，啤酒又要去到門口羅，行來行去行來行去真係比佢玩死﹗
4. 個廁所DIRTY到你唔信，成地屎尿無人清，推石仔部的女工友排大隊成半小時先排到去廁所又無人管理，有工友去一次後鞋褲沾滿了尿回來，雖然她是穿了開工的水鞋來，不過叫人點頂呀成腳尿？
5. 0的炭成棵樹咁，掟又掟唔爛，根本無可能燒到，出去羅過包又比佢老點轉來轉去，救命﹗
6. 野食其實幾好食的，不過派食物0個個哥哥仔真係好無禮貌，我都知係多人等心情真係差0的，不過都唔洗飛0的野食比我嘛？好似我係乞兒拿個兜去乞野食咁，唉﹗
7. 蒜蓉包要買蒜蓉都無所謂，不過0的蒜泥硬到好似石頭咁，搽極都搽唔到，吹脹。
8. 羅蜜糖醬料的地方DIRTY到你唔信，成地都是醬及蜜糖的混合物，0的醬瓶是跌哂在地上要自己執番起的﹗講真佢地個場都有好多員工，唔知點解個個行行企企都唔知做咩，幫下手執好佢好唔好？
9. 女工友由於早到霸位，見個地方無台用叫佢地0的工作人員幫手搬啦，0的人竟然話唔俾搬，無台點燒呀？地下燒咩，痴線，之後佢地問準左個工頭就叫女工友自己搬，唔係嘛老闆，就算係男工友都應該幫下手嘛，女工友自己一個搬到喊哂﹗聽到都火滾﹗
10. 一行十幾個藍田工友最嬲係佢個死人倒數安排，就踏正12點大家都好開心的時候佢叫人唔好射彩帶之後又叫車牌叫人去倒車，搞到miss左十二點，成12點零五分先扮哂野叫大家倒數幾秒，完全無司儀能力就唔好渣住個咪啦，好在我地成班工友都唔係人咁品，0係自己0個區大叫自己倒一次算數，差差差﹗好在我帶左紅酒來大家清番杯下下氣，唔係真係暴動都有份﹗
細佬讀書少打咁多字好辛苦不過都要打，唉........
不過0的食物係OK的，向海的位也很舒服，咁多人來證明其實呢度都好出名，如果一多人就搞到0的服務咁差的話，管理的人好應該檢討一下了﹗
Post
