Medium Rare Steak (Pok Man Street)

愈黎愈多鐵板牛扒既餐廳，尼間分店開業冇耐，lunch time好多人黎食。主打肉眼、牛柳，及西冷，仲可以加$25有set，4選3個配搭。先落order俾錢，拎‘嘟嘟機’，後入座。

牛柳set

叫左牛柳300g配洋蔥油(價錢$0.33/g)，重量會有少少出入，睇師傅手勢切多/少左俾你。亦會放個磅出黎，俾你睇到幾重。師傅將牛柳煎成3成熟就上鐵板。

牛柳

一大件肉送上，外層帶d焦脆，內層仲係紅色，冇過熟呀good。

牛柳

肉汁勁多，一切流哂出黎。而且非常厚身，如果唔鍾意太生，可以趁鐵板仲熱，就切開煎下。另外，有柚子醬可以醮，令肉更清新。

牛柳

牛柳

肉唔‘鞋’，而且因爲係牛柳部位，所以瘦肉比例佔多，一d都唔膩。但如果鍾意半肥瘦，揀西冷就岩。重點係，冇用好多油去煎，所以鐵板見唔到出油情況，good。

沙律

跟set配左沙律，麵豉湯，汽水。沙律配有芝麻醬，開胃。

麵豉湯

而麵豉湯用昆布煮，有幾塊係湯入面，食完咁大塊牛，飲啖中和一下。

整體，牛柳生熟程度拿捏得好好，肉汁多而且味濃，大食既人又可以叫大份d。最重要冇加一，食到好牛肉，抵食。不過，係自助形式，食完記住自己放番好個托盤。