Video
Read full review
2005-09-19
9 views
阿媽逢初一十五食素, 尋晚就一家人陪佢去功德林.訂0左6:30pm 檯, 餐廳要求我0地7:30pm 交檯, 我心諗係唔係真係咁好生意呀? 6:30pm 入到去坐低無乜客, 點知一到7:00pm d 人就開始湧入, 真係估佢唔到.我0地4 個人叫0左小食拼盤, 冷麵, 糟溜魚片, 豆腐餃子, 菜肉包(一人一個) 同魚翅羹(一人一碗).小食拼盤係自己砌的, 阿媽揀0左烤夫, 馬蘭頭, 雞絲粉皮, 脆鱔同素鵝. 烤夫, 脆鱔同素鵝都幾好食, 雞絲粉皮就頹0左d (both the appearance and taste), 有少少花生醬可以點, 但無乜味(i.e. 唔甜唔花生). 馬蘭頭食到我面容扭曲, 不過相信係因為我唔鍾意食芹菜, 而d 馬蘭頭又係芹菜碎咁味0者.糟溜魚片係d 唔知咩菇, 落0左少少蛋白, 第一啖咬落去直程有魚味的, 好驚@_@" 其實ok 好食, 但係d 汁太杰了, 有d 似做節食飯d 羹咁!豆腐餃子... 我阿媽之前不停話豆腐餃子好食, 0黎到我就即刻試一舊, 嘩! 豆腐果然係豆腐, 一d 味都無的, 連豆味都無埋! d 餡係冬菇同菜粒, relati
訂0左6:30pm 檯, 餐廳要求我0地7:30pm 交檯, 我心諗係唔係真係咁好生意呀? 6:30pm 入到去坐低無乜客, 點知一到7:00pm d 人就開始湧入, 真係估佢唔到.
我0地4 個人叫0左小食拼盤, 冷麵, 糟溜魚片, 豆腐餃子, 菜肉包(一人一個) 同魚翅羹(一人一碗).
小食拼盤係自己砌的, 阿媽揀0左烤夫, 馬蘭頭, 雞絲粉皮, 脆鱔同素鵝. 烤夫, 脆鱔同素鵝都幾好食, 雞絲粉皮就頹0左d (both the appearance and taste), 有少少花生醬可以點, 但無乜味(i.e. 唔甜唔花生). 馬蘭頭食到我面容扭曲, 不過相信係因為我唔鍾意食芹菜, 而d 馬蘭頭又係芹菜碎咁味0者.
糟溜魚片係d 唔知咩菇, 落0左少少蛋白, 第一啖咬落去直程有魚味的, 好驚@_@" 其實ok 好食, 但係d 汁太杰了, 有d 似做節食飯d 羹咁!
豆腐餃子... 我阿媽之前不停話豆腐餃子好食, 0黎到我就即刻試一舊, 嘩! 豆腐果然係豆腐, 一d 味都無的, 連豆味都無埋! d 餡係冬菇同菜粒, relatively 有d 味, 但依然好淡好淡. 大佬, 好心你d 豆腐咁淡, 就落多d 調味落d 餡度中和0下啦; 打得開門做生意已經齋口唔齋心anyway, 好心改善0下d 食物0既味道啦. 結果我食0左一啖就放棄0左件餃子.
菜肉包唔錯wor, 餡夠味, 包又唔會好實, 似"葷" 菜肉包.
冷麵... 幾特別, along with 一大碗冷麵有6, 7 小兜醬, e.g. 乳豬醬, 辣油, 南乳醬, 豉油, 浙醋, 花生碎etc., 俾你自己混0黎食. 麵幾爽口彈牙, 不過小女子身體不適, 唔敢亂混0野, 結果只係食0左一啖撈了乳豬醬的.
我最欣賞係魚翅羹, 可能個人比較喜歡碗仔翅, 而呢個素翅羹味精比碗仔翅少好多, d 日本素翅食落又好口感, 哈哈!
另外又叫0左酒釀丸子同大菜桂花糕做甜品, 叫做試0下咁啦.
大菜桂花糕幾清, 唔會好甜, 有好多桂花碎, 可惜無乜桂花味.
酒釀丸子超級唔ok, 酒糟鬼咁少, 無酒香/味之餘, 仲鬼死咁甜, 甜到吞落去時"乸" 喉嚨的, 好難食! >_<
環境麻麻, 坐得舒服, 仲俾0左window seats, 但檯的編排太迫了, 想起身去洗手間都要兜大圈>_< 店員亦太唔識變通了-- 我0地6:30pm 坐低時冷氣0岩0岩好, 到7:00pm d 人愈坐愈多, 佢都唔識開大d 個冷氣, 搞到愈0黎愈焗, ended up 我隔0黎檯個family "yaap" 個部長埋0黎"孖叉" 佢佢先識較大d 個冷氣, 吹脹!
埋單$6xx... 好貴呢.
睇0黎我呢種食肉獸都係無慧根去appreciate 素菜0架喇, 下次如果我阿媽又話要來, 我都係唔跟埋去好d.
Post