本場

Open Now

Now Closed

冬天就梗係要食下燒肉，今晚同朋友揀咗旺角一間日式燒肉放題店，位置非常便利。餐廳裝修風格非常日式，座位寬躺，讓人感到舒適和放鬆。今次點左上品牛肩胛放題 (113 品)，有齊冷盤，以及多款肉類嘅選擇，最特別係可以單點蘭王蛋，蛋香味重，用黎點燒肉就最啱。一次性拼盤首先店員會端上高一級套餐拼盤，有牛頸脊、牛小排、牛板腱、牛舌、香草牛油帶子等等，牛肉雪花均勻，牛肉味濃郁。冷盤推介胡麻醬豆腐、和風醋蕃茄，豆腐本身柔軟細滑，搭配上濃郁既胡麻醬，口感豐富；和風醋蕃茄酸酸甜甜，口感清爽。牛肉類：推介頂級肩脊肉、牛胸腹、骨付牛肋肉和網燒一口牛，頂級肩脊肉肉質細膩，口感軟嫩，帶有豐富既肉汁；牛胸腹質地柔軟；骨付牛肋肉肉味濃郁；網燒一口牛表面燒至微焦，外層有少少香脆，內層仲係非常嫩滑。豬肉類：推介日本白豚梅肉、豬頸肉和汁燒豚大腸，日本白豚梅肉輕輕咀嚼就感受到肉質既柔軟度；豬頸肉油脂香濃，帶有嚼勁；汁燒豚大腸咬落去彈牙。雞肉類：推介雞腿肉，肉質嫩滑，口感結實。中意食內臟既朋友可以叫博多雞肝、博多雞腎。甜品：可以揀Häagen-Dazs甜筒/Movenpick雪糕，雪糕口感非常滑順。