養心殿裝修都幾台式，坐嘅位置幾寬敞。有別於一般台灣任食火鍋，呢到嘅鍋底，配料都係散叫嘅。見到menu 款款都想試，而且菜類方面，有幾款台灣菜係每日飛機直送。
點好食物，我地去醬料區揀選醬料，有芫茜，紅辣椒，香蔥，香醋，蒜泥汁同豉油。
1
美人鍋 $188 滋陰養顏嘅湯底，材料有桃膠，烏雞，杞子，南棗，金華火腿，老火肴制，一定要飲多碗先得。
自家製極品水餃（半份）$42 水餃皮薄，蝦肉爽口。
自家製韭菜餃（半份）$42 韭菜味重，菜同肉釀入粉量都好均勻。
手工丸類拼盤（12粒）$108 有鵝肝墨魚丸，黑松露蝦丸，芝士牛肉丸，墨魚丸，蝦丸，梅菜豬肉丸，每款兩粒，4個人份量岩岩好，粒粒丸好彈牙。
極上雪花肥牛 $188 叫左個中位價試下，牛肉有明顯雪花紋，好有牛味，食落好淋。
鴨血$48 食台式火鍋怎可以唔試鴨血，同平時食嘅豬紅係兩回事，而且唔容易碎，食得出鴨血有少少騷味。
台灣水晶冰菜$78 平時喺街市都好少見到，仲要飛機直送，緊係試下。
萵荀$48 好新鮮，不過唔好放入鍋太耐，爽會更加好味。
一分錢，一分貨。不過臨走時見到，8:30前離座，9:30後入座，有7折，下次會再去試下。
