就順便去如心廣場試下人氣台灣過江龍牛肉麵。
平日午膳時間都唔少人排隊，
好彩等左15分鐘左右就入到去。
原 味 牛 肉 麵 ($84)
以牛大骨慢火熬煮嘅湯底，
飲落順滑不油膩。
而厚薄不平嘅手工麵亦掛滿湯頭，
配上炆到入口即溶嘅牛腱，
水準非常之高👍🏻
青 花 椒 香 手 撕 雞 乾 拌 麵 ($78)
之前食過其他地方嘅乾拌麵，
一係就覺得太重口味，
一係就覺得麵底平平無奇。
但呢個乾拌麵個幼麵煙韌得黎又掛汁，
食落亦唔會有食味精嘅感覺，
而流心嘅滷水蛋更加係錦上添花，
我個人就中意呢個麵多啲🙊
Btw是日啲葱一定係大豐收，
碗碗麵都有大量葱花，
唔食葱嘅記得一定要走青😂
新 鮮 豚 肉 鍋 貼 (5pc) ($48)
用餃子皮包嘅鍋貼食落唔會成口粉，
肉饀亦很juicy，
點埋附上嘅醋更加釣到個鮮味。
胚 芽 珍 珠 奶 茶、珍 珠 奶 茶 ($28@)
只飲珍珠奶茶有點漏，
加左胚芽會平衡好多😌
1
