可以坐到貴賓房， 用左好多書做擺設，其實唔係好差知同京菜主題有咩關係
先黎一碟醉雞， 相信都係好多人啲點之選！
皮肉分離情況唔算嚴重， 雞皮雞肉嫩滑度都係正常嘅， 但係各位親友都話過醉雞汁有啲問題，唔似平時食開嘅味道 ，隻酒好似太搶同埋太嗆鼻，影響咗成隻雞嘅味道😑😑😑！
之後到小食拼盤:上層叉燒，中層腐皮，下層燻魚!
睇落賣相好靚， 叉燒食食下又走未知係唔係夾完最醉雞再夾叉燒引致
？!中間腐皮好厚，但係食落都好有層，次甜甜地，幾開胃
燻魚味道都係正常水平，但係魚骨好似太粗，家姐唔小心食左一條卡住喉嚨
1
🙄🙄🙄我發覺呢間餐廳嘅菜式一家人蔬菜效果就唔係太理想， 例如上面蔬菜魚肉羹，其實成個羹都冇咩味道可言
素菜蒸餃都一樣， 雖然咬開入面滿滿蔬菜， 但係外皮稍淋，無咬口，餡料亦無咩味
小籠包就冇一夾就爛，湯汁流曬出嚟嘅情況
咕嚕肉係全枱人都讚嘅菜式， 調味恰當，外皮依然保持脆口
唯獨係各位都覺得個菠蘿有啲怪怪哋，味道咬落一定係菠蘿，但係賣相唔知似乜
他配菜例如青椒紅椒都好入味，但係佢嘅紅椒真係辣，所以食嘅時候小心啲
輪到主角北京填鴨!相信都係呢間餐廳嘅主打菜式!
雖然冇逐塊逐塊喺我哋面前片出嚟，但係都砌得好整齊影相一流!:):):):)
鴨肉表面有油光食落甘香
但係用嚟煲鴨嘅面皮就麻麻地第一好乾，第二好啦爛咬開， 寧願唔包個皮食好過
表面平平無奇，估唔到呢個炒年糕原來咁好食
雖然顏色唔算深， 但係冇嘢材料都沾到醬汁味道。
配料有冬菇同肉絲 ，年糕厚度適中，口感好好 ，食多幾舊都唔油膩:):):):):):)
外國親戚都係第一次食呢隻萵筍 ，佢哋好好奇綠色一條條咁係乜嘢，但係我嘗試解釋畀佢哋聽，佢哋都唔係好明
總之食落好食就得啦!我點解會話呢間餐廳守舊？
係因為每樣菜式佢哋都依照以往嘅做法或者正宗手法去做，其實可以加少少新嘅元素!以呢個鍋筍為例 ，
出面嘅餐廳好多時都會用唔同嘅醬汁去炮製佢，eg wasabi!或者用麻油+醋去涼伴!但係呢度只係簡簡單單用咗個上湯去煮，水準平穩，但實屬無驚喜:(
