駿運士多 (Closed)

今日朝早經過附近，順便嚟呢間名店買早餐，附近都有類似舖頭，但即使接近朝早10點，唯獨佢呢間係人龍不絕，名店效應真厲害。叫咗以下幾樣嘢：腸粉4條，$10，齊醬豬肉燒賣2粒，$2.5魚肉燒賣2粒，$2.5粉粿一隻，$5一共$20然後過對面公園慢慢食腸粉，無咩特別，但唔爛、唔硬、唔嚡已經叫合格；粉粿亦無咩驚喜，好食嘅粉粿應該係花生要炸過，夠香口而帶啲辣味，但交來貨式唔係自己做就唔能夠要求太多；魚肉燒賣有魚味，亦唔會有太多粉；豬肉燒賣其中一粒有筋，而且有肉嘅質感，但無肉嘅香味。總括嚟講，唔係好似網上留言好食得咁緊要