。今次同男朋友踩完單車，又再心血來潮想黎食。佢個裝修真係好有feel，行懷舊路線。
我地都幾早黎，6點左右，呢個時候可能係鋪頭岩岩開，無咩人。
我地叫左個雞煲，唔辣既(因為有人唔食得辣)，等左大約15分鐘左右，雞煲就上黎啦。我記得以前係唔使等咁耐既，可能係因為岩岩開門，即叫即煮。
黎到店員幫我地攪均啲材料，就可以即刻開餐。
啲雞肉好滑嫩，一如以往咁香濃，黎食雞煲就係食佢既重口味，如果食得辣，加辣會更正。
食曬啲雞，就可以用佢一早提供定湯底加入去啦。
加完煮一陣、就可以開始打邊爐~
手切肥牛﹕
啲油脂既分佈好均勻，食落口都幾香濃既肥牛味。
羊肉﹕
因為男朋友最愛係羊，所以打親邊爐羊肉係必點既。呢個羊肉好香羊味，唔錯既一樣。
西班牙豚豬腩片﹕
好肥既一碟xddd，但啲脂肪好香，唔怕，運動完好多quota。
炸魚皮﹕
魚皮好脆好香口，單食都好味。
炸響鈴﹕
呢個鈴似係鮮炸咁，好穌脆，點一點個雞煲汁再入口係享愛
。
菜呢啲基本，啲菜都好新鮮好甜。
呢餐真係超滿足。
