Video
Read full review
2018-11-16
2928 views
我一向都知去得呢度食嘢遊客多過本地人!!不過都想試下!!今日難得有興致,所以拉咗朋友一齊同我放工去食茶餐廳 !!餐廳內全部都係昔日香港茶餐廳的畫面,牆上還貼滿了譚校長的海報,我諗老闆應該好鐘意譚校長!坐低睇左一陣餐牌,我地簡左呢度出名的粉麵特餐的<薯仔鮮茄湯底豬扒煎蛋通粉>和出位撈丁系列<心多多撈丁>再跟餐加錢叫<紅豆冰>和<鹹檸七> !<薯仔鮮茄湯底豬扒煎蛋通粉>多到滿瀉!!有蕃茄,薯仔,豬扒,每樣都大大件!薯仔煮得軟腍入味,但豬扒放係湯內太耐變得好林,無哂口感,肥膏較多,咬開肥膏都唔係剩返好多肉!!<心多多撈丁>有雞翼,五香肉丁,煎蛋同公仔面!!撈麵醬汁普通,味道不過不失,始終呢d材料好難會煮得唔好食,驚喜欠奉!!<紅豆冰>用半杯紅豆加入牛奶和煉奶攪勻,每啖都食到粒粒紅豆!!加上順滑濃郁的淡奶味,簡直係絕配!!甜味適中,好味到不能錯過!<咸檸七>係咸檸檬放入7up汽水,朋友幾鍾意呢個咸咸地既味道!!但我始終都係鍾意乜都唔洗加既普通汽水多d!!整體來講,呢度
餐廳內全部都係昔日香港茶餐廳的畫面,牆上還貼滿了譚校長的海報,我諗老闆應該好鐘意譚校長!
坐低睇左一陣餐牌,我地簡左呢度出名的粉麵特餐的<薯仔鮮茄湯底豬扒煎蛋通粉>和出位撈丁系列<心多多撈丁>再跟餐加錢叫<紅豆冰>和<鹹檸七> !
<薯仔鮮茄湯底豬扒煎蛋通粉>多到滿瀉!!有蕃茄,薯仔,豬扒,每樣都大大件!薯仔煮得軟腍入味,但豬扒放係湯內太耐變得好林,無哂口感,肥膏較多,咬開肥膏都唔係剩返好多肉!!
<心多多撈丁>有雞翼,五香肉丁,煎蛋同公仔面!!撈麵醬汁普通,味道不過不失,始終呢d材料好難會煮得唔好食,驚喜欠奉!!
<紅豆冰>用半杯紅豆加入牛奶和煉奶攪勻,每啖都食到粒粒紅豆!!加上順滑濃郁的淡奶味,簡直係絕配!!甜味適中,好味到不能錯過!
<咸檸七>係咸檸檬放入7up汽水,朋友幾鍾意呢個咸咸地既味道!!但我始終都係鍾意乜都唔洗加既普通汽水多d!!
整體來講,呢度始終係做旅客生意,價錢比普通茶餐廳貴,但味道又唔會好得個普通茶餐廳!!想試食都可以一試既..
Post
