六合小廚 (Closed)

遊客區餐廳一向較貴， 但這間樓上茶餐廳價格合宜， 份量相當多， 認真抵食。餐廳的餐牌相當多， 主要分為單點小菜類、套餐、車仔麵、茶餐廳特色飯等等，款式包羅萬有， 選擇困難的我點餐要花一點時間。鋪位大， 坐得幾闊落。招牌六合牛四寶飯， 白飯忘記拍照，份量很多， 男生也必定飽。 而主角牛四寶也是滿滿的一大盆， 包括牛腩、牛根、牛肚、牛腸、豬皮和蘿蔔，每樣都炆煮得入味。秘制密椒土豆牛腩粒，牛肉份量多，黑椒味濃。薯仔世界級美味，外皮炸得香脆， 加上甜甜的蜜糖， 裡面的薯仔相當粉。招牌闊佬炒飯，材料有蝦仁、瑤柱、菜粒、鮑片，炒飯唔太油膩， 無咁有罪惡感。另外值得一贊的是服務質素， 相當貼心。