Igarashi Japanese Restaurant (Closed)

路過彩虹邨，見到竟然有間「五十嵐」，其實黎五十嵐一向食開牛肉鍋定食，基本上每次去親都會叫，今次就試一試彩虹邨店。

牛肉鍋定食，圖中的鍋，我已經攪動過，食落品質同其他分店唔係差好遠，整得幾好食，反而係白飯，比較硬，呢個飯，比較有少少硬，係因為對正風口位，好快冷卻。（有原因的，有興趣可向下睇。）

1

（入到店，近門口第三排卡位有一個位置，見冇人坐，就坐底就點菜，點知，坐坐吓發覺有啲問題，個冷氣真係開得好大好大，對正風口位，咁我叫姐姐幫我較細啲風速，個呀姐話冇辦法，一閂就會閂曬成間鋪既冷氣，所以閂唔到嘅，之後我再搵個男經理，見佢醒醒目目，再問下佢有無方法，佢問呀姐，阿姐都話唔可能整細，最後男經理好好幫我將個風擋，推高少少，叫比較無咁難受。

另外，點菜時候，個姐姐竟然用普通話同我講野，呢度係香港，大姐，唔該你講返廣東話，仲有呢度係日式餐廳，真係感覺好怪，成間店都咁，譚仔呀姐都好過佢地。）