是但求其食 (Closed)

朗屏附近西餐選擇唔多，之前食過兩次晚餐感覺都唔錯，今日就嚟試下佢嘅精選午餐。午市套餐都幾抵食，選擇易算多，有十款左右，套餐包餐，湯同埋飲品。今日餐湯係南瓜蘑菇湯，煮得好綿滑。🍟英式炸魚薯條配焦糖咖啡$98炸魚賣相好靚，炸到金黃色，份量都算幾多，有四大件，外層粉漿得酥脆，魚肉嫩滑。薯條都炸得好香脆，仲有蔬菜墊底，可以幫手解油膩。🍕明太子蝦Pizza配熱情果茶$98Pizza係薄底，焗得夠幹乾，仲有脆邊，咬落好似餅幹咁鬆脆，上面鋪滿明太子醬，每塊披薩上面都有一隻大蝦，芝士夠濃厚。