鳥山。商號 (Closed)

今天是幸福嘅一天，在陪伴着好朋友成就人生大事前，我們來到蕪湖街醫肚。在我最愛的麵店滄浪亭前，看到這家新開的咖啡店我竟然有所動搖。這家咖啡店走清新簡約路線，店內的書架，放着台灣的手工藝品，和一本本台灣的本地雜誌和繪本，更有部份是店主的珍藏。自去年年尾，我們從台灣機車環島回來後，一直都很想念花東既海岸線，墾丁嘅大海，台南嘅美食，台中嘅人情味，台北嘅繁華，仲有我哋騎着機車，在中橫公路上九曲十三彎，追着合歡山嘅星辰。係呢間舖頭入面，睇住雜誌書籍，畫面一一浮現返出嚟。店內賣嘅主要係手調精品咖啡，同埋精緻嘅蛋糕甜點。我哋四個人，將甜品清單上嘅甜品都來一客。芋泥卷，熱情果醬香橙戚風蛋糕，焦糖布丁，黑芝麻蛋糕，全部都做得很精緻味美。我更是衝着芋泥卷而來，要知道喺台灣，經常都可以食到又大甲芋頭製成嘅芋泥，要喺香港食到好食嘅芋泥真係唔易，總算可以讓我地一解對台灣嘅思念。願疫情快過，我們再可以到台灣登百岳，坐機車追日出日落。