臺北站 (Closed)

呢年幾以來，台式飲品風由旺角吹到黎新界。跨張講，你可能落街行下，就搵到好幾間呢類型既舖頭。所以有時真係唔知點選擇，咁呢日行過。見貢茶太多人，就轉移過黎呢度。呢度有樣好，珍珠有大、小之分。不過，我都係覺得大珍珠好。珍珠奶茶呢間既珍珠奶茶都算幾好飲，茶味真係夠濃。而且珍珠好煙韌彈牙，佢地係預先將珍珠放糖水浸一段時間。咁珍珠既味道會融入到奶茶到，呢個唔係間間都做到既。呢一間既珍珠奶茶算幾好飲，而且等得唔太耐。唔錯唔錯。