高堡

Open Now

Now Closed

今日上午同朋友去旺角辦理完文件，大概11:30左右未食早餐，所以就係附近搵下有乜好食。位於通菜街鴻光商場入口右側，發現一間以特色漢堡為主打之新店「高堡」。目測全店約二十多個座位，以卡座主，餐廳感覺舒服企理，而且餐牌介紹之漢堡非常吸引，所以即管又試下新店。除主打幾款漢堡堡長期供應外，亦有期間限定嘅漢堡。此外，餐廳並提供有飯及意粉，並以日式風格為主，另有一些特色少食。無論［廚師推介］、［精選午餐］定［下午茶餐］，價格都很合理。我選了廚師推介嘅《牛肉漢堡》（$80），麵包香軟，牛肉漢堡超厚，入口牛味濃香而肉嫰，配有煙肉及煎蛋，再加上生菜絲、蕃茄片及千島醬，非常豐富。千島醬微酸開胃而不油膩，絕對超值又好味。漢堡並附送日式麻醬沙律及薯條，凍飲只需加$3。朋友選了《蒲燒鰻魚》（$65），亦相當吸引，配有煎太陽蛋及什菜。兩大片鰻魚，蒲上紫菜絲，有足一條鰻魚份量。飯軟硬適中，加上惹味鰻魚汁，整體不錯。漢堡的確十分出色，個人非常推薦，喜歡漢堡朋友仔一定要試。新店更特設新張優惠，學生及從事醫護再減$5，認真值得大家支持。