Video
Read full review
2013-09-05
63 views
今個星期第二篇韓國料理食評，其實好早之前已經有試過依間韓國料理店，不過因為冇影相，於是今次再去食後補兩次食評啦！ 第一次去係同兩位喜歡K-POP既朋友一齊去食，事前亦都有留意關於佢既食評，發覺都幾好壞參半，一般黎誚 都係覺得佢好食但係唔好服務，或者係環境因素問題，其實係通菜街排檔後面既料理店不嬲俾人既感覺都好終極，好食既排哂長龍等哂位，唔好食既，企個人係門口招攬，黃金食飯時間7點鐘都係冇人…不過果次去都覺得食評講既野係真既，服務真係麻麻，食物反而都幾好食！好，今次再去睇下佢會點！今次去既選擇時間係閒日我放工之後，大概係7點左右既時間，通菜街果陣時都係一堆人去食飯既時候，本黎我都諗緊洗唔洗等位，好幸運去到首爾門口，唔洗等位，入面只係半滿，門口侍應都好應景講韓文(?)你好，比上次唔理你好小小啦！餐廳既範圍其實唔係好大，所以枱同枱之間都相當之迫，基本上…你攝入去埋邊位既時候唔可以太大動作，如果唔係就一次過掃哂隔離枱既野落街，咁囉…餐牌係新既，執整過，同上次既餐有小小出入，所以不能比較，今次都係叫左2人既SER($185已連加一)，包括有４小碟(翠玉瓜,泡菜,粉絲同埋青瓜)，一個石頭飯，一個豆
4小碟(翠玉瓜,泡菜,粉絲同埋青瓜)，係凍盤一早整定係到，4款味都正正常常唔太特別，不過酸辣既口味就幾開胃就真既！之後上枱就係豆腐鍋，熱辣辣個湯仲係滾緊！入面有粉絲，豆腐，泡菜，肉同埋雞蛋！粉絲今次係幼身既粉絲，上次粗既！不過依然都係好索湯，令到個粉絲好入味，依個湯亦都係好濃香，小小辣！正常人都會接受到既小辣味！豆腐都好嫩好軟！我最鐘意依個鍋！然後上枱係一口雞，其實姐係細件炸雞，唔太特別，略過啦！石頭飯，都係熱辣辣上枱，加左小許辣醬係上面，我地叫既係雞肉石頭飯，雞肉比較乾身，食落麻麻地，而且你食完個豆腐鍋你會相對覺得個石頭飯好淡身，所以其實調轉食就會比較好D!不過老公就好喜歡依個飯，覺得佢好夠味，但係d醬多d個味會濃Ｄ，同埋雞肉真係好乾，下次可以試叫豬肉,油較多,應該冇咁易變乾！其實兩杯飲品都比較普通，都係略過。總括佢地既食物其實唔係太差！如果以果個價錢食我覺得可以接受，只係地方真係太迫，佢地出菜同相當危險，你要知道韓式料理樣樣野都係熱辣辣！至於服務，唔算好服務，好簡單上菜落菜，其實冇話令到你有唔舒服既地方！中規中矩既情況之下，我認為佢係可以番頭既！因為佢既食物真係唔算差=p!
Post
