Video
Read full review
2015-09-15
473 views
信我，尖沙咀有好多嘢食，但都唔係星林居。我食咗星林居都有五六年，真係睇住佢大，睇住佢壞！我上一次食大約係半年前，嗰時已經覺得唔掂咗好多，今次去多次係因為覺得質素差過都可以好返，但嚟埋今次真係最後一次囉！！1. 食物質素-以前大大碗，又抵又好食，最鍾意食佢嘅涼拌米線。依家份量一次少過一次，今次我嚟得返三啖。老實講，我寧願你收貴我十蚊八蚊，畀返正常份量我，好過$24畀丁多我。(佢係有得加底，但我女仔食點會expect要加底？？)-最近幾次食，我要「小小辣」都辣到火屎，「小小辣」已經係加辣嘅最低級，但都辣都咁，初頭以為我味覺有問題或者我唔食得辣啦，但最好笑係同行朋友要「小辣」，食落都冇我嗰碗咁辣，咁即係佢個廚房好有問題啦。而我經過幾次觀察發現，如果叫咗嘢飲，好似會冇咁辣，但冇叫嘢飲就辣啲，令我覺得佢係咪想整辣啲令你叫嘢飲。-朋友叫嘅，新出嘅米線，盛惠$43。拎住張紙問個阿叔每樣料有幾多粒，佢話「有啲一粒，有啲兩粒」;果然係語言偽術，只得凍豆腐係兩粒，其餘都係得一粒，算；米線都係得四啖，都算；但連肉碎都係得幾粒仔，個湯又同我剔嘅唔match，咁你憑咩收我$43? 如果我地知呢款只得五粒配料，就
我食咗星林居都有五六年，真係睇住佢大，睇住佢壞！我上一次食大約係半年前，嗰時已經覺得唔掂咗好多，今次去多次係因為覺得質素差過都可以好返，但嚟埋今次真係最後一次囉！！
1. 食物質素
-以前大大碗，又抵又好食，最鍾意食佢嘅涼拌米線。依家份量一次少過一次，今次我嚟得返三啖。老實講，我寧願你收貴我十蚊八蚊，畀返正常份量我，好過$24畀丁多我。(佢係有得加底，但我女仔食點會expect要加底？？)
涼拌米線($24)+蟹籽丸($5/2)+生菜($4)
$33
55 views
0 likes
0 comments
酸辣米線
$43
40 views
0 likes
0 comments
都係嗰句，我情願你收我貴少少畀足料我，好過你喺度話自己又平又抵食，又經濟乜乜乜，但原來偷工減料，貨不對辨囉。
2. 服務質素
-仲記得N年前我第一次嚟食時，咁啱見到呀廚神老闆喺度，佢仲教啲員工點樣掃地，如果唔係會掃起啲塵，但依家係零服務可言。所有員工都係唔會正眼望你嘅，你叫佢佢第一下會完全唔應你，你以為佢聽唔到，點知佢轉個頭又會返嚟，證明佢地係純粹冇禮貌，唔係聽唔到。其實我只係想要正常人類溝通，你叫佢佢會應你囉！！
3. 環境
-環境愈來愈污糟，啲枱又抹得唔乾淨
-裝修已經用深色，但都見得到污糟
雖然佢質素已經跌到咁，但都好多人架，因為佢成日話自己又藍帶又咩廚神又盛，喺大陸同旅遊書又有文，所以係好多大陸人識共上呢間樓上餐廳食米線架。
Other Info. :
-BTW佢個意見whatsapp係假的。
-樂道嗰間仲難食同污糟。
(The above review is the personal opinion of a user which does not represent OpenRice's point of view.)
Post
