幸圓 (Closed)

公司附近的一間日式料理，今次帶朋友到訪，朋友不停話好靚，食物又正，一直叫我影相、影相、影相😂😂位置在商業大廈一樓,環境清靜, 明亮, 木器傢俬, 頗有日本風情二人都俾張四人卡座, 好窩心啊👍🏻點了一客牛油果蟹籽沙律$68, 材料十足, 第一次見蟹柳絲多過青瓜絲另一頭盤點了藍青口香草牛油清酒汁煮, 藍青口真係無得輸, 加堆依個汁醬絕對可以提鮮自認海鮮控, 當然要叫番個海鮮丼$238, 這個丼一送上枱, 即刻覺得好值, 海鮮種類超多, 影相都要前影, 後影才可以影哂所有食材。看似細細碗, 食哂一碗真係非常飽😉朋友叫咗鹽燒加拿大保濕豬鞍配蜜糖芥末籽汁$218, 這塊豬鞍厚厚一大塊, 哈哈, 話明係保濕豬鞍,又確係幾juicy架, 看配菜種類也很講究😋女仕嘛, 係有多一個甜品胃的, 我地叫咗個士多啤梨芝士奶蓋牛角包窩夫$68, 這個甜品不得了, 分別有新鮮嘅日本士多啤梨, 士多啤梨亁, 士多啤梨醬同士多啤梨雪糕, 一次過食到多個層次, 而芝士奶蓋嘅香滑配牛角包窩夫嘅香脆, 令人不自覺地不停品嚐呢😍