Video
Read full review
2019-04-26
374 views
來到長洲最後一日，一招就租架三輪單車踩，唔踩單車都唔知長洲原來都咁多地方去，強烈建議你長洲要租架單車踩，特別係夏天，流少好多汗，人都舒服啲踩咗半日單車，食完個午飯，有咩做好?咪又係食糖水囉，今次嚟到呢間，相信好多人都食過，叫天然 喺呢個流行健康嘅世代，呢間叫天然嘅糖水舖，個名真係改得好好，係人食糖水都想食得健康啲，唔好有咁多罪惡感。一入到去，店舖嘅面積唔算大，乾淨企理，冷氣夠涷， 見到個menu 真係樣樣嘢都想食，我最鍾意食嘅糖水，係芒果同椰子，我睇到有一個芒果椰子冰 唔使講我至愛，出咗呢個芒果椰子冰之外，我哋仲叫咗一個雪糕湯圓楊支甘露，同埋一個奶凍，仲有芒果同榴槤糯米糍。首先講囉米糍，芒果維持一貫嘅水準，夠甜，皮唔算好厚 ， 另外榴槤糯米糍令我喜出望外，榴槤肉非常多 榴槤夠cream，不過真係一個起兩個止，食多會漏。跟住就係雪糕湯圓楊枝甘露，個雪糕係芒果雪糕嚟 但食落去個芒果味唔係好夠， 另外佢嘅湯圓唔係我哋一般所認識屋企食到阿媽整嗰啲湯圓， 啲湯圓咬落去，大菜糕嘅口感，同我想像嘅湯圓有啲落差，另外個楊枝甘露，可以再凍啲就更加好。最後係我嘅至愛芒果椰子冰，呢個真係唔使講嘢 夠凍有椰子
踩咗半日單車，食完個午飯，有咩做好?咪又係食糖水囉，今次嚟到呢間，相信好多人都食過，叫天然 喺呢個流行健康嘅世代，呢間叫天然嘅糖水舖，個名真係改得好好，係人食糖水都想食得健康啲，唔好有咁多罪惡感。
一入到去，店舖嘅面積唔算大，乾淨企理，冷氣夠涷， 見到個menu 真係樣樣嘢都想食，我最鍾意食嘅糖水，係芒果同椰子，我睇到有一個芒果椰子冰 唔使講我至愛，出咗呢個芒果椰子冰之外，我哋仲叫咗一個雪糕湯圓楊支甘露，同埋一個奶凍，仲有芒果同榴槤糯米糍。
首先講囉米糍，芒果維持一貫嘅水準，夠甜，皮唔算好厚 ， 另外榴槤糯米糍令我喜出望外，榴槤肉非常多 榴槤夠cream，不過真係一個起兩個止，食多會漏。
跟住就係雪糕湯圓楊枝甘露，個雪糕係芒果雪糕嚟 但食落去個芒果味唔係好夠， 另外佢嘅湯圓唔係我哋一般所認識屋企食到阿媽整嗰啲湯圓， 啲湯圓咬落去，大菜糕嘅口感，同我想像嘅湯圓有啲落差，另外個楊枝甘露，可以再凍啲就更加好。
最後係我嘅至愛芒果椰子冰，呢個真係唔使講嘢 夠凍有椰子味，加埋芒果，簡直係絕配，食完真係成個人都涼曬。
Post
