芳華絕代 (Closed)

之前都有同朋友黎食過，今次行街經開呢頭，發現有新野，一於食距啦。環境：裝修依然都系甘有feel，打卡位甚多。兩層高，工業風，加埋大大霓虹燈，唔知仲以為出去wet。整體環境乾淨企理，坐低都十分闊落。可以掃code自己落單，方便快捷，當然都有menu睇。食物：冬陰功湯好足料，酸酸甜甜，少少辣勁開胃啊。泰式鳳爪沙律好大一份，鳳爪酸辣爽口，味道啱啱好，配菜沙律十分新鮮爽脆。小食拼盤都相當大份，蝦餅外脆內嫩，蝦肉彈牙。素菜春捲好鬆脆，食落十分香口。無骨海南雞，夠滑溜，又唔肥，絕對唔會失望！加埋靈魂醬汁，飯都扒多兩啖。鳳梨炒飯好有特色，提子幹？真系第一次食。用料好足，口感相當豐富，味道都唔錯。珍多冰椰香味十足，加埋椰果？口感好豐富。但個人覺得稍微偏甜。荔枝鳳梨梳打，少甜就啱啱好。噢！距地做緊promo，仲可以玩轉盤遊戲抽現金券或小食添。