甜藝家 (Closed)

女朋友話MOKO有間賣甜點幾好食, 緊係就要買黎比佢試下入到去甜藝家見到有各式各樣的甜品, 曲奇, 蝴蝶酥, 朱古力等等唔講唔知原來係由甜品大師TONY WONG開設, 主打健康食材同低糖低脂, 見到已經有新年既禮盒同埋情人節禮盒賣, 而且都有透明小樽擺左出黎比客人試食, 試過先買, 抵讚我就買左主打既雜錦曲奇同埋蝴蝶酥雜錦曲奇裡面有16個唔同既款式, 而包裝設計都好貼心, 會有一張指示擺係面話比你知每一格既係咩口味, 曲奇口感鬆化, 每一件既味道都好香濃, 當然最鍾意既就緊係朱古力味啦另外蝴蝶酥好好食, 口感鬆脆, 甜度岩岩好, 食多幾塊唔會覺得膩