Video
Read full review
2018-07-26
804 views
早兩個星期想帶我啲同事呢一間餐廳食，但係唔知係咪因為隔離大館開咗冇幾耐，人流增加左，所以上次嚟到都係摸門釘，因為餐廳全場爆滿。一路都以為呢間餐廳個名叫做 The Frying Pan (平底鑊），因為佢係做 all day breakfast，而一般西式嘅早餐都係用平底鑊去煎，所以好自然將 Frying Pan 同呢間餐室聯上。但係細心一睇，原來個名係 The Flying Pan （會飛的鑊），個logo裏面嗰個鑊都加咗一對翼，店內都有一個鐘係有一對翼喺度。希望所有來過呢間餐廳食嘢嘅食客，都好似餐廳嘅名一樣，所有要孭嘅鑊，都可以自然地會飛走！裝修方面，令我諗起我以前讀書嗰陣時，喺外國去過一啲二十四小時嘅cafe 。裏面嘅鐵凳，地面嘅瓷磚，同埋用咗一張放大左影住啲早餐嘅相做 concept wall，都俾到呢種外國二十四小時cafe 嘅感覺俾我。兩個侍應都比較靜，但係又唔代表冇禮貌。今次我專登叫咗一個超級大嘅 4x4x4 Monster Pan。裏面有四隻蛋，四塊煙肉， 四塊漢堡扒，四塊麵包，仲有四個side dish 俾你揀。Side dish 我就揀咗蕃茄湯，沙律，薯仔，同埋粟米小
一路都以為呢間餐廳個名叫做 The Frying Pan (平底鑊），因為佢係做 all day breakfast，而一般西式嘅早餐都係用平底鑊去煎，所以好自然將 Frying Pan 同呢間餐室聯上。但係細心一睇，原來個名係 The Flying Pan （會飛的鑊），個logo裏面嗰個鑊都加咗一對翼，店內都有一個鐘係有一對翼喺度。希望所有來過呢間餐廳食嘢嘅食客，都好似餐廳嘅名一樣，所有要孭嘅鑊，都可以自然地會飛走！
裝修方面，令我諗起我以前讀書嗰陣時，喺外國去過一啲二十四小時嘅cafe 。裏面嘅鐵凳，地面嘅瓷磚，同埋用咗一張放大左影住啲早餐嘅相做 concept wall，都俾到呢種外國二十四小時cafe 嘅感覺俾我。兩個侍應都比較靜，但係又唔代表冇禮貌。
今次我專登叫咗一個超級大嘅 4x4x4 Monster Pan。裏面有四隻蛋，四塊煙肉， 四塊漢堡扒，四塊麵包，仲有四個side dish 俾你揀。Side dish 我就揀咗蕃茄湯，沙律，薯仔，同埋粟米小米。蛋嘅做法同麵包嘅種類都可以自己揀。我就揀咗炒蛋同埋白麵包多士。番茄湯味道不錯，有少少辣，但係稀咗少少。漢堡扒可能本身油份唔高，煎到有少少乾。炒蛋如果可以做到唔係全部熟晒就好，不過知道有啲人又驚啲蛋唔夠熟會食到肚痛。爭啲唔記得講，個早餐仲跟埋一杯大嘅果汁。食物質素可以，但係加埋份量，我就覺得呢個 4x4x4 Monster Pan 都係值得推介。結果我都係眼闊肚窄，食唔晒成個餐。
結論
- 早兩個星期你個但係全場爆滿
- 餐廳叫The Flying Pan 唔係 The Frying Pan
- 個鑊有一對翼
- 希望所有食客，所有要孭嘅鑊，都可以自然地會飛走
- 裝修方面，俾到呢種外國二十四小時cafe 嘅感覺俾我
- 兩個侍應都比較靜，但係又唔代表冇禮貌
- 推介- 大胃王之選- 4x4x4 Monster Pan
- 食物質素3星，份量俾多1粒星，總共4星
唔好意思唔記得影鋪面。
4x4x4x4 Monster Pan
$160
72 views
0 likes
0 comments
Post
