潮窩 (Closed)

以前少行黃埔，自從地鐵通車通就相對多啲行這區，這店主打手功火鍋。我和朋友叫了濃湯花膠湯底，半隻雞份量，滾起飲了幾碗，味濃郁！椒鹽九肚魚酥脆香口，椒鹽更加惹味，送酒一流。手切安格斯牛小排薄薄一片灼起可食，純肉冇渣食得暢快。紫菜響鈴放湯一秒即撈起，響鈴吸晒湯汁變軟身，反而紫菜味不足，令響鈴變得單調。皇帝菜又叫做「茼蒿」，坊間傳言，「茼蒿」在古代是宮廷佳肴，只有皇上才有資格品嘗，所以又稱皇帝菜。此菜具有調胃健脾、降壓補腦等效用，所以見到有皇帝菜就叫來吃，清甜。食到尾聲，餐廳還送上菊花雪梨水，清甜潤肺，夠窩心。