Taste Of HK

平時觀塘lunch食開嘅餐廳無位，見呢間無乜人就諗住是但食算，自問對食物要求唔高所以無乜所謂。。。不過呢餐令我呢個平時無乜要求嘅人都想獻出第一篇食評。

因為阿媽好慳家嘅關係，屋企經常斬叉燒食唔晒就雪返，之後微波爐返叮再返叮食幾餐。

而呢度嘅叉燒一入口果種非常熱嘅溫度，加上乾爆嘅口感，我肯定佢至少返叮左兩次以上，真係比到我家嘅味道。。。

隻煎蛋同菜都算係正常嘅，睇人食肉餅都好似幾正常，可能純粹係我黑仔啦，不過咁嘅質素真係無下次。