Video
Read full review
2023-07-05
148 views
係近排好興嘅圓轆轆croissant wheel😍終於試到！有四隻口味，去嗰日白朱古力味賣晒而竹炭焦糖味係最新口味🖤圓轆轆牛角酥甚為罕見，功夫唔少側邊見到幾十層整齊嘅漩渦紋，好治愈全部一搣就爆漿，非常有驚喜🤩Croissant唔空氣 (唔係得個樣脹卜卜，一搣就扁嗰啲)，外層微脆，入面似麵包咁軟綿煙韌，多重口感冇一般牛角酥咁油膩，落嘅牛油比例少啲，拎上手唔會油淋淋🥐同時保持住淡淡嘅牛油香味酥皮愛好者可能會嫌佢唔夠酥脆，但個人鍾意佢依家呢個口感👍🏻▶️ 法式朱古力車輪牛角酥 Dark chocolate croissant wheel ($32)面頭有黑朱古力醬同朱古力脆脆入面係香濃嘅朱古力甘納許(ganache)，以黑朱古力同忌廉整成，口感非常幼滑黑朱古力甜中帶少許苦澀🍫唔會過甜▶️ 法式開心果車輪牛角酥 Pistachio croissant wheel ($32)近期好興開心果口味甜品呢個上面有真開心果粒同開心果味曲奇碎🍪個曲奇已經好好食，鬆化香牛油味入面係開心果溝白朱古力醬，開心果堅果味好出，食落清甜，濃過白朱古力嘅味道開心果控切勿錯過💚食完都即刻開心啲 haha▶️ 竹炭焦糖車輪牛角酥
有四隻口味，去嗰日白朱古力味賣晒
而竹炭焦糖味係最新口味🖤
圓轆轆牛角酥甚為罕見，功夫唔少
側邊見到幾十層整齊嘅漩渦紋，好治愈
全部一搣就爆漿，非常有驚喜🤩
Croissant唔空氣 (唔係得個樣脹卜卜，一搣就扁嗰啲)，外層微脆，入面似麵包咁軟綿煙韌，多重口感
冇一般牛角酥咁油膩，落嘅牛油比例少啲，拎上手唔會油淋淋🥐同時保持住淡淡嘅牛油香味
酥皮愛好者可能會嫌佢唔夠酥脆，但個人鍾意佢依家呢個口感👍🏻
▶️ 法式朱古力車輪牛角酥 Dark chocolate croissant wheel ($32)
面頭有黑朱古力醬同朱古力脆脆
入面係香濃嘅朱古力甘納許(ganache)，以黑朱古力同忌廉整成，口感非常幼滑
黑朱古力甜中帶少許苦澀🍫唔會過甜
法式朱古力車輪牛角酥 Dark chocolate croissant wheel
$32
9 views
0 likes
0 comments
▶️ 法式開心果車輪牛角酥 Pistachio croissant wheel ($32)
近期好興開心果口味甜品
呢個上面有真開心果粒同開心果味曲奇碎🍪
個曲奇已經好好食，鬆化香牛油味
入面係開心果溝白朱古力醬，開心果堅果味好出，食落清甜，濃過白朱古力嘅味道
開心果控切勿錯過💚食完都即刻開心啲 haha
法式開心果車輪牛角酥 Pistachio croissant wheel
$32
10 views
0 likes
0 comments
▶️ 竹炭焦糖車輪牛角酥Charcoal lotus caramel croissant wheel ($32)
呢個超特別，牛角酥係黑色㗎🖤 原來係加咗竹炭，型爆 (雖然味道上冇好食到竹炭味)
上面有一塊完整嘅Lotus餅乾同焦糖醬 (曾幾何時我可以食Lotus餅乾食唔停，一日食晒成條十幾塊，因為佢嘅味道好令人上癮🤣)
入面係有lotus味嘅ganache，質感冇咁似忌廉反而似吉士，但一樣咁濃lotus餅乾味～
平時聽到焦糖會驚好甜，點知呢個係最唔甜嗰個，更能食得出牛角酥本身嘅香味，成件事好夾！
竹炭焦糖車輪牛角酥Charcoal lotus caramel croissant wheel
$32
12 views
0 likes
0 comments
-
平時唔係一個特別鍾意食pastry嘅人，但係呢種車輪牛角酥口感介乎酥皮同麵包之間，作為麵包控覺得好食
今次三款口味之中最鍾意係竹炭焦糖味💕好值得試
店舖用戲院做主題，用上迷人粉紅色牆，每個角落都係打卡位📸
因為主要做外賣，堂食座位唔多，不過都有幾張性感嘴唇外型嘅梳化比大家坐低嘆🫦位置安靜，有嘆high tea嘅感覺
服務超級好，啲店員好友善細心，知你打卡會幫你考慮埋賣相😂
包裝亦好靚，放蛋糕係一個透明膠盒，放麵包pastry係一個紙袋，一睇就知係高級嘢，送禮一流
非常高質嘅法式麵包西餅店👍🏻
Post
