Read full review
2022-01-29
4879 views
我通常睇到新野食都會睇定D等熱潮冷淡嘅時候先去，而今次我就追上熱潮😎，去到呢間銅鑼灣新開嘅餅店，新到連openrice 都冇，但都要排好耐買到。究竟值唔值得去排一個鐘呢? James Bon Bon Bakery位於銅鑼灣邊寧頓街，渣甸街嘅轉角位，位置非常顯眼。店舖由前四季西餅師傅主理，大家有冇覺得呢句野好熟面口，其實bakehouse嘅老闆Gregoire，呢位成日喺鏡頭面前出現嘅肥仔都喺四季糕餅部出身😲😲。 開業冇幾耐因傳媒/blogger報道而成名，當日平日2:30去到已經排到出哂街，但因佢店舖面積細小，每半個鐘只會出1-2小tray嘅包，要等好耐先拎到，或有可能冇自己想要嘅味，結果排一個鐘得原味同菠蘿皮味)，建議大家都係等多一排先再去啦，水份偏高😅。 除咗麻糬波波之外，其他野係冇乜特別嘅，佢又唔係嘉多利餅屋又有D創意港式麵包，Bon Bon就係Bon Bon，一間以麻糬波波作亮點嘅港式餅店😬。 麻糬波波$8(per piece) 價錢就真係平到無得再平，就係港式餅店嘅價位lor🤑。因呢個包空氣感真係超高，買完冇一陣已經被膠袋壓扁咗🥲。但我自己番焗嘅時候(先唔係叮啊)，佢自然
[懶人包😅(總結):
真係好食嘅，會encore👍，但本人認為唔值得排一個鐘咁耐，尤其係排到去只得一兩隻最普通嘅味道，性價比就真係無得頂架啦，建議大家過一排再去幫櫬啦]
James Bon Bon Bakery位於銅鑼灣邊寧頓街，渣甸街嘅轉角位，位置非常顯眼。店舖由前四季西餅師傅主理，大家有冇覺得呢句野好熟面口，其實bakehouse嘅老闆Gregoire，呢位成日喺鏡頭面前出現嘅肥仔都喺四季糕餅部出身😲😲。
開業冇幾耐因傳媒/blogger報道而成名，當日平日2:30去到已經排到出哂街，但因佢店舖面積細小，每半個鐘只會出1-2小tray嘅包，要等好耐先拎到，或有可能冇自己想要嘅味，結果排一個鐘得原味同菠蘿皮味)，建議大家都係等多一排先再去啦，水份偏高😅。
除咗麻糬波波之外，其他野係冇乜特別嘅，佢又唔係嘉多利餅屋又有D創意港式麵包，Bon Bon就係Bon Bon，一間以麻糬波波作亮點嘅港式餅店😬。
麻糬波波$8(per piece)
麻糬波波(原味+菠蘿皮味)
$8
217 views
2 likes
0 comments
價錢就真係平到無得再平，就係港式餅店嘅價位lor🤑。因呢個包空氣感真係超高，買完冇一陣已經被膠袋壓扁咗🥲。但我自己番焗嘅時候(先唔係叮啊)，佢自然就會變漲咗。而個post封面擺盤嗰張相係未焗嘅😅。
麻糬波波香氣四溢，憶起兒時嫲嫲買比我嘅下午茶🥲。Size比平時波仔版嘅麻糬波波更大，裏面唔似係平時氣孔蓬鬆嘅樣子，而真係好似有舊麻糬喺入面咁🤣。
麻糬波波
$8
210 views
3 likes
0 comments
用手一拉開，麻糬內饀帶來些少阻力，但又見到佢一絲絲被拉開但仍然糾纏著嘅模樣，都會有些治癒感🥰。裏面嘅質感係極之q彈軟糯，煙韌有嚼頭。雖然食唔到抹茶/朱古力嘅特別口味，但都令我回味無窮。
菠蘿皮嗰隻嘅麻糬味道同原味嗰隻係一樣嘅，佢唔係平時菠蘿包嘅皮咁完整，呢個就呈沙漠龜裂嘅樣子，但都唔會甩皮甩骨，為麻糬帶黎甜味同牛油香，喺煙韌嘅層面上加入一層脆感。如果得呢隻味同原味可以揀，我都建議大家買菠蘿味🤓。
Post
