撈得喜火鍋冰室

Open Now

Now Closed

今日我地嚟到位於大埔菁泉雅居嘅撈得喜火鍋冰室，呢間火鍋放題開業大約半年，地方好闊落，卡位設計坐得好自在舒適。佢哋嘅湯底有近廿款，每款都好足料。今晚我地揀咗椰子雞湯底，打開煲蓋已經聞到濃郁嘅椰子香，湯頭鮮甜，跟隨煲底有半隻鮮雞，仲提供一個漏斗，店員細心指導我哋，湯滾落雞，以漏斗做計時器，真係方便，簡單過計幾多分鐘，雞件滑嫩，熟度啱啱好。$208／位任食，真係抵！手切牛、美國肥牛、黑毛豬肉都好正，肉質唔錯，特別係牛板腱，灼幾秒就可以食。海鮮方面，基圍蝦同波波蜆、蟶子、蠔仔等，鮮甜可口。呢度採用全自助形式，客人可以按自己所需，睇啱邊度夾邊度，無論涼拌、甜品、特式飲品定雪糕樣樣有，擺得整齊，令你一眼就可以搵到自己想食嘅火鍋料。啲蔬菜洗得乾淨，新鮮脆口，仲有各式各樣嘅火鍋醬料，自由調配。無論你鍾意肥牛定海鮮，撈得喜絕對輕鬆回本！