Darci by Aldou (Closed)

元朗雞地近呢幾年開多咗勁多嘅新餐廳 以前喺度讀書食嚟食去都係果幾間餐廳 依家嘅中學生真幸福 不過唔緊要依家出嚟食番夠本 哈哈呢間餐廳Darci by Aldou 入面裝修得好簡約 用上微微嘅黃燈 白色牆 掛畫同埋雲石枱 營造小清新嘅感覺 咁既環境真係一杯茶 足以令到客人唔想走叫咗個二人餐 有餐湯餐包 小食 意大利飯同埋主食 仲有嘢飲 餐湯係南瓜湯 南瓜味幾出 而且仲有南瓜蓉喺入面 幾足料餐包係熱辣辣 再加上黑醋同橄欖油 食落夠開胃蝦餅有泰式嘅味道 外面炸到脆 入面係爽口鮮味嘅蝦膠 仲有爽口嘅魷魚粒虎蝦忌廉鹹蛋黃意大利飯 虎蝦有兩大隻 而且已經預先開邊 食起嚟幾方便 肉質彈牙香口 意大利飯煮得軟硬適中 加上咸香嘅鹹蛋黃粒同香濃嘅忌廉汁 竟然出奇地夾 而且好惹味蜜汁咸豬手 係今餐最滿意嘅菜式 豬皮唔係脆個種 但係塗滿咗香甜嘅蜜糖 食落可以中和番豬肉既鹹味 豬肉唔太鹹同唔韌 好食 配上香烤菠蘿同埋薯仔沙律 可以一解油膩感 燒咗嘅新鮮菠蘿甜道更加提升 成個豬手既組合簡直係絕配