辦館有四間分店，無論餐牌同裝修都有所不同。呢間分店樓底高，環境清靜，座位頗舒適😌簡約得嚟，隱藏住充滿舊香港影子嘅特色裝修，忍唔住要按吓快門。
玫瑰🌹鮮奶咖啡 （熱）
店員好用心沖咖啡同拉花，咖啡味道香醇，加咗玫瑰花瓣，飲落有浪漫嘅感覺💕
榛子🌰鮮奶咖啡（熱）
加咗榛子嘅咖啡更易入口，適合初飲咖啡嘅人士，無咁濃烈嘅咖啡味，同時又可以提神。
鹹牛肉炒蛋多士
佢哋選用烘底厚麵包，比平時茶餐廳食到嘅好食，鹹牛肉拼炒蛋餡料都係絕配。
日式叉燒豬骨湯烏冬
除咗兩片日式叉燒外，仲有粟米粒同蟹柳，有住家嘅感覺，唔會太heavy。
是日精選蛋糕🍰朱古力蛋糕+棉花糖
甜品有驚喜，食落似brownie，好厚實但又無食開果d咁甜。棉花糖做裝飾都幾精美👍🏻
🐷🛎️必試指數：9/10🔆
