辣吧 (Closed)

曾經去過四川成都做交流，認識咗唔少朋友。幸運嘅係呢啲朋友到而家都仲有聯絡，上個禮拜一位成都嘅朋友嚟香港，所以就帶佢食一間特別嘅餐廳，因為四川人好鍾意食辣，佢哋喺嗰邊就比較少特色嘅餐廳，所以今日就專誠揀咗呢一間喺尖沙咀諾士佛臺嘅餐廳，除咗裝修靚之外，食物都好高性價比👍呢一間餐廳主打食海鮮大咖，其實佢係一個橢圓形嘅鍋入面有唔同款式嘅海鮮，當然你仲可以自己再單點添加配料。成日都覺得出面食海鮮又貴又唔抵，但係呢一間餐廳嘅海鮮大咖價錢唔貴，而且而家仲做緊優惠🌟先講返海鮮，款式多之餘亦都稱得上係新鮮，最有驚喜係扇貝，鮮甜得嚟夠彈牙😆 要講最細心一定係蝦，留番個頭，但係個身嘅蝦殼就幫你剝咗，啱曬我呢啲懶人❤️仲有蟹，蟹膏好和味同埋鮑魚😍除咗海鮮，仲有其他配料，例如多到食唔曬嘅豆卜同埋土豆粉。土豆粉彈牙，有少少似烏冬，建議留番最尾先食，吸曬成個鍋嘅精華。我哋加咗一份肥牛，價格算係合理，品質亦都唔錯。餐廳仲有提供其他特色飲品同埋啤酒🍺🍹簡直係食辣一定要有飲品😆