辣吧 (Closed)

想食中國菜,打邊爐打到有D厭,見到呢間野有得食海鮮鍋,當然要黎試下啦。呢度既裝修好有古代FEEL,呢D餐用物品都好盞鬼。我地叫左個2人份既海鮮鍋,有鮑魚,蟹,個蟹SHELL仲有肥美既膏添。帶子上面有粉絲,肥大既蟹柳,鮮甜肥美既蝦,已吐晒沙既蜆,全部共治一爐。D食材本身已煮好晒,加埋自加製既湯加熱,可以享受呢餐海鮮盛宴,朋友同我都食得好開心。如果中意食SPICY野可以叫選擇SPICINESS既程度,我朋友唔想食SPICY野所以我地叫左個蒜蓉既湯底。呢度既服務都唔錯,店員會問我地冷氣是否太凍,幫我地調較冷氣溫度。亦有細心叫我地等5分鐘先開餐。呢度既TABLE好大。坐得好舒服。胃口好既人可以叫8款既海鮮大咖,有得任食串串。我地怕食唔晒就冇叫到。