肥姐麻辣餐廳

Open Now

Now Closed

今日約左朋友在荃灣食晚飯，朋友知我中意食麻辣野，帶左我黎一間食川菜既菜館，發現水準幾唔錯。首先點左呢度出名既酸菜魚，魚好新鮮，一啲都唔腥，魚質好滑溜，而且料頭同酸菜、芽菜，海帶都好多，百零蚊真係好抵食。跟住就試左佢既辣子雞，大大碟，雞肉唔細，食落啖啖肉，而且可以自己選麻辣度，果然比其他川菜店仲更加麻辣，岩晒一眾愛食麻辣既朋友。另外推介黃金皮蛋，個汁真係無得輸，叫左碗白飯撈飯食一流！如果中意食麻辣既朋友可以黎幫襯，餐牌有好多選擇，而且地點都好方便。