花椒子 (Closed)

本人10分鍾意食辣嘢，今次特登約咗個朋友一齊食辣。原來旺角雅蘭中心附近開咗一間標明辣到上太空嘅新派川菜，身為辣妹又點可以唔試呢。入到去俾個環境驚艷到，因為佢同平時見開啲川菜裝修到唔同，呢間走型格時尚風。地方座椅都好闊落，通風系統都好好，唔會好侷促嘅麻辣味。我哋要咗酸菜魚一份，佢採用鱸魚，鱸魚出名係嫩滑無骨，又無魚腥味，魚肉大大嚿再配埋酸菜，再加上底下有薯粉同芽菜朔晒啲湯汁非常惹味。另外在點咗湖南辣椒炒雞配美國肥牛，佢首先係好似雞煲咁樣先食辣椒雞肉，慢慢食晒之後就會加湯好似打邊爐咁樣，就將啲肥牛炒熟一齊食。佢啲飲品都好值得人點咗一個芒果沙冰同牛油果鮮奶呢兩杯超級消暑解辣，所以唔食得辣嘅朋友飲呢啲啱晒。最有驚喜係佢嗰個太空彩虹木桶冰，呢個真心要一班朋友share食，因為佢個份量係超級多，成個木桶上面有無數嘅沙冰，仲有香甜紅豆、消暑涼粉。最頂層就會有唔同口味嘅雪糕雪條，有Mega Oreo脆皮雪條，有薑汁薯條，有西瓜雪條都有，一次過滿足晒食雪糕嘅慾望。