翰林茶棧 (Closed)

依家珍珠奶茶舖真係多過7仔 總有一間係附近行街偶然發現雅蘭中心地下轉角位（都幾隱蔽）開咗一間翰林茶棧見到Menu 整體來講價錢都算貴既然飲得就試下招牌推介野！佢有一個極濃國宴珍奶（$58）貴係貴咗啲 但係都一試無妨嘅另外仲叫咗一杯熊貓鮮奶茶 （$38）平時飲珍珠奶茶都叫開半糖或者微糖 但店員建議飲正常份量 所以就好乖聽話飲原味可能我個人麻麻哋太奶嘅飲品⋯⋯我嫌呢個國宴珍奶 鮮奶偏多 搞到冇乜茶味 成杯都好稀 似就咁飲緊鮮奶溝水咁 同Menu講嘅“極濃‘’真係差得遠～所以飲完第一啖真係有啲失望同場仲有關東煮（$38）、茶葉蛋（$12）等等嘅小食 啱晒口痕又唔係好肚餓嘅人！